Pas Jackie Chan, ai është aktori i dytë aziatik më i famshëm në botë. Ka luajtur në shumë filma përkrah aktorëve më të njohur të Hollivudit.
Falë karrierës së suksesshme, aktori 65-vjeçar nga Hong Kongu, Chow Yun-Fat ka aktualisht një pasuri prej 714 milionë dollarësh.
E megjithatë ai bën jetën e një kinezi të thjeshtë, duke harxhuar vetëm 102 dollarë në muaj.
Kjo pasi synon që gjithë pasurinë e tij ta dhurojë për bamirësi. Chow jeton në një nga metropolet më të mëdha të botës. Por e bleu smartfonin e tij të parë vetëm në vitin 2018, pasi iu prish telefoni i tij i vjetër, Nokia, që e kishte përdorur për 17 vite.
“Ëndrra ime është të jem një njeri i lumtur dhe normal. Gjëja më e vështirë në jetë s’ka të bëjë me shumën e parave që fiton, por si ta jetosh pjesën tjetër të jetës i qetë dhe i lumtur”, thotë Chow.
Ai përdor shpesh transportin publik, dhe shkon në dyqanet me ulje për të blerë rroba. “Unë nuk i vesh rrobat për të tjerët. Nëse mendoj se një rrobë është e rehatshme, atëherë ajo është mjaft e mirë për mua”, thotë Chow.
