Kryeministri Edi Rama ka reaguar lidhur me deklaratën e presidentit Meta mbajtur ditën e sotme, ku tregoi edhe njëherë arsyet pse shtyu datën e zgjedhjeve.
Përmes një postimi në “Twitter”, Rama insiston se zgjedhjet vendore të 30 qershorit do të zhvillohen, pavarësisht vendimit të Metës për t’i anuluar ato.
“Zgjedhjet do të bëhen në 30 qershor”, shkruan Rama.
Kujtojmë se në konferencën e zhvilluar për mediat, Meta foli edhe për shkarkimin e tij, i cili pritet të diskutohet në seancën parlamentare të së enjtes nga qeveria Rama. Në lidhje me këtë kërkesë, presidenti u shpreh se po i bëhet shantazh dhe presion.
Po ashtu, sqaroi dhe njëherë vendimin për të anuluar datën e zgjedhjeve, për të cilën tha se nuk është diskutuar me asnjë aktor politik nga opozita.
