Mbrëmjen e 8 dhjetorit 1990, rreth 300 studentë nisën në Qytetin Studenti një lëvizje që do sillte rrëzimin e diktaturës komuniste.
Ata u nisën qendrës së Tiranës, teksa rrugës u ndalën dhe u dhunuan brutalisht nga policia. Të nesërmen, ata kërkuan nga Ramiz Alia shpalljen e pluralizmit politik, dhe përshpejtimin e reformave demokratike. Parulla kryesore në ato muaj ishte: “Ta bëjmë Shqipërinë si gjithë Evropa!”.
Kanë kaluar plot 30 vjet, dhe pavarësisht arritjeve të pamohueshme, shqiptarët duan kryesisht të largohen nga vendi.
BE ia mbylli sërish këtë vit dyert Shqipërisë. Politika e 15 viteve të fundit, ka qenë e dominuar nga PD, PS dhe LSI.
Pra nga Berisha, Rama, Meta dhe Basha. Ndër vite, disa parti të reja kanë tentuar që ta zgjerojnë ofertën për shqiptarët, por kanë dështuar. Në zgjedhjet e 25 prillit 2021, pritet të marrin pjesë si një lloj poli i tretë, një grupim partish të djathta të drejtuara nga ish-zyrtarë dhe deputetë të Partisë Demokratike.
Jozefina Topalli, Rudina Hajdari apo Astrit Patozi, premtojnë të prishin trinomin PD-PS-LSI, që ka monopolin e pushtetit. A do t’ia dalin dot?
TIRANA TODAY
