Stresi ka bërë show në sallën e gjyqit, pas prangosjes në protestën e thërritur nga ish-kryeministri Berisha.
Reperi i njohur Stresi është paraqitur në gjykatë, për t’u njohur këtë të mërkurë me masën e sigurisë, pasi u arrestua në protestën e 8 janarit.
Arkimed Lushaj kur është futur në sallën e gjyqit, ka ngritur dy gishtat lart dhe është shfaqur i buzëqeshur.
Prokuroria ka kërkuar masën e sigurisë “detyrim paraqitjeje” për reperin, ndërsa për 34 të arrestuarit në lidhje me protestën ka ngritur akuzat e “Shkatërrimit të pronës”, “Prishjes së qetësisë publike”, “Shkeljes së rregullave mbi lëndët plasëse, djegëse dhe radioaktive”, si dhe “Mbajtja pa leje e armëve dhe armëve të ftohta”.
