Ambasadorja Yuri Kim ka përcjellë dje një tjetër mesazh mbështetës për kryedemokratin Basha. Ky i fundit është vënë në qendër të sulmeve dhe akuzave nga ish-kryeministri Sali Berisha, sulme këto që janë shtuar së tepërmi pas përjashtimit që iu bë nga grupi parlamentar demokrat dhe strukturat qendrore të PD-së.
Lëvizjet e fundit kanë dëshmuar se kreu demokrat ka në krah amerikanët. Dje, ambasadorja e Shteteve të Bashkuara të Amerikës në Tiranë ka kujtuar 30-vjetorin e vizitës së ambasadorit të parë amerikan në vendin tonë, pas rënies së komunizmit, Uilliam Rajerson, kur ai paraqiti kredenciale.
Në një editorial ku evidenton mbështetjen e vendit të saj për Shqipërinë dhe objektivat e së ardhmes, Kim thekson se SHBA u qëndron besnik partnerëve, duke i dërguar kështu mesazh edhe ish-kryeministrit Berisha se amerikanët janë krah Bashës në luftën mes tyre. Sipas saj, amerikanët do jenë gjithmonë në krah të shqiptarëve.
