E diel, 16 Janar, 2022
-3.5 C
Tirana

Zaptimi i selisë blu me dhunë, PD kallëzon penalisht mbështetësin e Berishës

Partia Demokratike ka bërë padi ndaj mbështetësit të ish-kryeministrit Sali Berisha, Fatjon Dauti, i cili shkelmoi derën e sallës ku bëhen mbledhjet e Këshillit Kombëtar në selinë blu. PD ka kallëzuar Fatjon Dautin, si personin që shkelmoi derën e sallës së mbledhjeve në selinë e PD, ku zhvilluan më pas mbledhjen Sali Berisha me të ashtëquajturin Komisioni i Rithemelimit. Sipas PD-së, Dauti është person me ndikim në një rrjet kriminal shqiptar me qendër në Londër, i përfshirë në importimin e kokainës, prodhimin e kanabisit, trafikim të njerëzve dhe pastrimit të parave. Me një njoftim për mediat, PD shprehet se ai u urdhërua nga Flamur Noka për të shpartalluar derën e sallës në selinë e PD-së.

“Partia Demokratike kallëzon penalisht Fatjon Dautin, personin që shoqëronte Sali Berishën dhe ndërmori akte dhune në selinë e Partisë Demokratike. Pas analizimit të pamjeve filmike rezulton se i urdhëruar nga deputeti Flamur Noka, shtetasi Fatjon Dauti, person me precedent të rëndë kriminal, që shoqëronte Sali Berishën, ka dhunuar ambientet e selisë qendrore të Partisë Demokratike. Sipas Ministrisë së Brendshme dhe Agjencisë Kombëtare të Krimit në Britaninë e Madhe, shtetasi Fatjon Dauti është cilësuar person i aftë për dhunë ekstreme dhe një anëtar me ndikim në një rrjet kriminal shqiptar me qendër në Londër”, njoftoi PD-ja.

PD në reagimin e saj zyrtar shprehet se sjellja e ish-kryeministrit së bashku me bosë të krimit të organizuar, është një nga aktet më të shëmtuara që ka ndodhur në 31 vite ekzistencë të partisë.

“Sjellja nga Sali Berisha në selinë e Partisë Demokratike e bosëve të krimit të organizuar, me në krye Fatjon Dautin, është akti më i shëmtuar që ka ndodhur në këto 31 vite të ekzistencës së PD. Selia e demokratëve nuk mund të sulmohet me trafikantë droge. Përpjekjet për të zëvendësuar institucionet e partisë me aktet e dhunës së bosëve ndërkombëtarë të krimit të organizuar, janë akte tipike të një celule ilegale. Institucionet e partisë kanë marrë vendimet e tyre, duke vendosur përfundimisht të zgjedhin të ardhmen, interesin e demokratëve”, thuhet në deklaratë.

Lexo edhe :   Gjashtë bashkitë, nje test i mundshëm elektoral Basha-Berisha

Po ashtu, selia blu në reagimin e saj ka akuzuar Berishën për fyerje të pashembullt ndaj anëtarëve të Kuvendit Kombëtar të Partisë Demokratike. PD shprehet se etiketimet fyese si ekstremistë të majtë apo enveristë të thekur, tregojnë qartë se Berisha ka zgjedhur të shkelë mbi demokratët dhe të vendosë interesin e tij përpara interesit të tyre. Sipas PD, Kryesia e partisë, Këshilli dhe Kuvendi Kombëtar kanë zgjedhur të ardhmen, dhe interesin e demokratëve duke mos lejuar mbylljen e partisë për interesa personale të Berishës.

Lexo edhe :   Protesta/Rama: Si në mesjetë, godina e PD u kthye në kështjellë

“Fyerja e pashembullt nga Sali Berisha drejtuar 5004 anëtarëve të Kuvendit Kombëtar të PD, shumicës dërrmuese të këtij organi, duke i etiketuar si socialistë, ekstremistë të majtë, enveristë të thekur, është shprehja më e qartë që Sali Berisha ka zgjedhur të shkelë mbi çdo demokrat që i shërben interesit të demokratëve, interesit të PD dhe jo interesit personal të tij. Është fakt që shumica dërrmuese e Kryesisë së Partisë, e Këshillit Kombëtar dhe e Kuvendit Kombëtar, kanë zgjedhur të ardhmen dhe interesin e Partisë Demokratike, duke mos lejuar bunkerizimin e PD për hallet personale të askujt”, shprehet PD.

 

- Reklama -

Më shumë nga kategoria




Të fundit

Shuhet legjenda e futbollit shkodran, e mundi sëmundja

Një sëmundje e rëndë ka mposhtur legjendën e futbollit shkodran, Ramazan Rragami, i cili u shua në moshën 77-vjeçare. Rragami vuante prej vitesh nga një...

Falsifikimi i dokumenteve/Gjykata liron nga burgu vëllain e Sheila Haxhiraj

DVP Lezhë në bashkëpunim me DVP Tiranë dhe atë të Elbasanit, finalizuan operacionin “Identiteti”. Nga finalizimi i operacionit, pas tre muajsh hetime, u zbulua...

Misteri afrikan: Pse C*vid-19 ka shkaktuar më pak vdekje se kudo tjetër?

Nga: Federico Giuliani “Il Giornale Është një kontinent i madh, rreth 7 herë më i madh sesa Bashkimi Evropian, dhe i banuar nga pothuajse 1.5 miliardë...

“Basha është pronar i basteve”/PD ia kthen Berishës: Mashtrues kronik!

Partia Demokratike ka përgënjeshtruar akuzat e ish-kryeministrit Berisha, ku tha se kryedemokati Basha është pronar i basteve. Shigjetimet e Berishës ndaj Bashës erdhën nga...

Zgjedhjet lokale, kurthi pervers i Metës për Bashën

Nga: Andi Bushati Pak kohë përpara se Gjykata Kushtetuese të vendosë nëse Presidenti i Republikës e ka tejkaluar rolin e tij për të qënduar mbi...