Klodian Çalamani, vrasësi i 8-vjeçarit Mateo Vasiu, nuk ka problem mendore. Ky përfundim vjen nga ekspertiza paraprake që i është bërë Klodian Çalamanit në paraburgimin e Vlorës. Sipas ekspertizës, Klodian Çalamani, vrasësi i fëmijës 8 vjeçar në Grecalli të Fierit, nuk vuan nga probleme të shëndetit mendor.
Madje 38-vjeçari ka folur me gjakftohtësi të plotë për vrasjen e Mateos, si në ambientet e paraburgimit, ashtu edhe në Policinë e Fierit në momentin që u arrestua.
Kjo ngjarje ka revoltuar opinionin e gjerë publik. 8-vjeçari Mateo Vasiu u vra në mënyrë makabre nga Klodian Çalamani të martën, 16 nëntor. Familjarët e të ndjerit kërkojnë dënimin me vrasje dhe vënien e drejtësisë në vend për Mateon.
Ata kanë nisur me mbledhjen e firmave në qytete të ndryshme të vendit, në një peticion me qëllim rivendosjen e dënimit me vdekje.
