Tejet i revoltuar dhe me uljen e standartit të bisedës me palëve në Kuvend, Rama ka sulmuar ashpër kundërshtarët politikë. Sot në Kuvend nuk kanë ndalur replikat mes kryetarit të opozitës, Lulzim Basha dhe kryeministrit Edi Rama. Në replikën e radhës, Rama e quajti Bashën si një person që flet sikur të ishte i dehur dhe i rrahuar.
“Kur del zotëria dhe i merr gratë me radhë, me atë gisht drejtuar. Prandaj uluni, mos u prekni nga retorika. Ngrini nivelin se me çfarë dëgjova tani, ka rënë niveli fare, fare, fare. Një kryetar partie, pretendent për të udhëhequr popullin, çohet dhe flet sikur ka dalë nga klubi. Sikur është dehur dhe e kanë rrahur, është gjynah i madh. Nuk do hy në ato muhabete, është nivel shumë i ulet”, tha Rama.
Kryeministri pati edhe një diskutim të fortë me sekretarin e Përgjithshëm të PD-së Gazment Bardhin, i cili foli nga vendi, ndërsa Rama mbante fjalën e tij në foltore. Ky i fundit i ka kërkuar që të mos ndërhynte, duke e krahasuar me Edi Palokën.
“Mos ndërhy, pse ndërhy? Nuk jam Edi Paloka unë! Po ça është ky mo, ulu more zotëri, ulu. Ça bëni ju, ore pse nuk qetësoheni? Ore më lë të flas. Ka mundësi të mbaroj fjalën unë? Se tani keni dalë me formulën e re, ju nuk keni qënë aty. Keni dalë me teorinë që duhet ta keni përballë që ta njohim. Po ty të ndërpreu njeri… a ka mundësi, të ndërpreu njeri…?”, përfundoi Rama.
