Rrugët në veri janë të bllokuara, për shkak të reciprocitetit të targave, por Vuçiç ka vetëm falenderime për serbët që kanë kryer këtë akt. Presidenti i Serbisë, Aleksandar Vuçiç i ka dhënë një mesazh protestuesve serbë në Jarinje e Bërnjak.
Mesazhi i Vuçiç
Për gjithçka që kemi, për përparimin që kemi bërë, e kemi bërë sepse kemi luftuar, sepse kemi treguar se kemi mjaft forcë, energji, njohuri, besim në veten tonë.
Faleminderit njerëzve në këto ditë të vështira për mbështetjen e tyre, faleminderit njerëzve tanë në Jarinje dhe Bërnjak, Serbia është me ju!
View this post on Instagram
Zyrtarë të BE-së kanë bërë me dije se të mërkurën në Bruksel, pritet të mbahet një takim i shefave të grupeve negociatore të Kosovës dhe Serbisë, Besnik Bislimi dhe Petar Petkoviç, për të diskutuar rrugëdaljen nga situata e krijuar pas vendimit të Kosovës për të zbatuar masën e reciprocitetit për targat e makinave me Serbinë.
Serbët në veri të Kosovës kanë bllokuar vendkalimet kufitare Jarinjë dhe Bërnjak, në shenjë kundërshtimi ndaj vendimit të Qeverisë së Kosovës për të vendosur masa reciprociteti.
Për shkak të situatës në veri të Kosovës, ushtria serbe është vendosur në gjendje gatishmërie, dhe avionët e saj luftarakë kanë fluturuar pranë bllokadave në veri.
