Gjykata e Lartë ka kthyer çështjen e Saimir Tahirit në Apelin e GJKKO. Ish-ministri i Brendshëm, Saimir Tahiri, do të rigjykohet nga Shkalla e Dytë e cila do të marrë një vendim përfundimtar.
Kjo ka qenë edhe kërkesa e vetë ish-ministrit të Brendshëm, Saimir Tahiri. Nga ana tjetër Gjykata e Lartë ka rrëzuar kërkesën e ish-drejtorit të Policisë Vlorë, Jaeld Çela për t’u liruar.
Tahiri u dënua nga Krimet e Rënda për “shpërdorim detyre” me tre vite shërbim prove, ndërsa Apeli i posaçëm e prishi vendimin dhe e ktheu për rigjykim në Shkallën e Parë. Më pas ish ministri bërin rekurs dhe dhoma e këshillimit e Gjykatës së Lartë e ka pranuar për ta gjykuar.
Tahiri u akuzua për tre vepra të rënda penale; “Korrupsion të zyrtarëve të lartë”, “Trafikim të lëndëve narkotike kryer në bashkëpunim” dhe “Grup të strukturuar kriminal”, në kuadër të dosjes “Habilaj”. Akuza e argumentuar nga prokuroria ishte për përfshirjen e ish-ministrit në katër episode trafikimi droge nga 2013-2015, por pa dhënë detaje për rolin konkret të tij.
