Gazetarja e njohur investigative, Klodiana Lala ka zbardhur detaje, pas kalimit të çështjes së ish-ministrit të Mbrojtjes Fatmir Mediu, në Gjykatën kundër Korrpusionit dhe Krimit të Organizuar (GJKKO).
Për ”BalkanWeb”, Lala u shpreh se nëse GJKKO do të pranojë kërkesën e SPAK, Fatmir Mediu do të gjykohet i vetëm dhe jo me të pandehurit e tjerë që janë dënuar nga drejtësia shqiptare.
Sipas Lalës, GJKKO mund të kryejë hetime të mëtejshme për të hetuar zyrtarë dhe ish-zyrtarë që mund të kenë qenë të përfshirë në tragjedinë e Gërdecit.
Klodiana Lala: ”Nëse GJKKO do të pranojë kërkesën e SPAK, Fatmir Mediu do të gjykohet i vetëm dhe jo me të pandehurit e tjerë që janë dënuar nga drejtësia shqiptare, pavarësisht diskutimeve ë ka pasur lidhure me vitet e dënimit që kanë marrë. Gjykata e Posaçme mund të pranojë kërkesën e SPAK për rigjykim të Mediut, por në kushtet e rrethanat e reja, ka edhe një opsion tjetër që dosja mund t’i kthehet GJKKO për hetime të mëtejshme dhe basë për të hetuar dhe zyrtare dh ish-zyrtarë që mund të kenë qenë të përfshirë apo jo direkt apo indirekt në tragjedinë e Gërdecit.”
Ditëne sotme, Gjykata e Lartë shpalli moskompetencë në lidhje me rihapjen e çështjes ndaj ish-minsitrit të Mbrojtjes Fatmir Mediu, për shpërthimin e vitit 2008 në Gërdec.
Tashmë, çështja do t’i kalojë Gjyaktës kundër Krimit dhe Korrupsionit (GJKKO), pas kërkesës për rigjykim nga Struktura e Posaçme anti Korrupsion (SPAK).
Më 6 maj, SPAK kërkoi rihapjen e procesit gjyqësor ndaj ish Ministrit Mediu, lidhur me shpërthimin e ndodhur 13 vite me parë në një depo ushtarake në Gërdec, ku humbën jetën 26 persona, mes të cilëve dhe fëmijë, ndërsa mbi 250 të tjerë u plagosën.
SPAK u vu në lëvizje, pikërisht pas kërkesës së prindërve të 7 vjeçarit Erison Durdaj, një prej viktimave të shpërthimit.
