Përdoruesve të TikTok të moshës nën 16-vjeç, do t’ju kalojnë llogaritë e tyre automatikisht në private, pasi aplikacioni po punon me një sërë masash për të përmirësuar sigurinë e fëmijëve.
Vetëm ndjekësit e aprovuar nga këto llogari, mund të komentojnë në videot e postuara nga ato. Përdoruesit gjithashtu do të ndalohen të shkarkojnë ndonjë video të krijuar nga personat nën 16-vjeç.
TikTok tha se shpresonte që ndryshimet do të inkurajonin përdoruesit e rinj të “angazhohen aktivisht në lundrimin e tyre të privatësisë në internet”.
“Ne shpresojmë t’i frymëzojmë ata të marrin një rol aktiv dhe të marrin vendime të informuara,” tha kreu i privatësisë Elaine Fox.
Ata të moshës midis 13 dhe 15 do të jenë në gjendje të miratojnë “miqtë” për komente dhe të zgjedhin nëse do t’i bëjnë video publike. Por këto llogari gjithashtu nuk do t’u “sugjerohen” përdoruesve të tjerë në aplikacion.
Llogaritë e 16 dhe 17-vjeçarëve do të parandalojnë që të tjerët të shkarkojnë videot e tyre – por të rinjtë gjithashtu do të kenë aftësinë të çaktivizojnë këtë kufizim.
Përveç kësaj, TikTok po ndryshon cilësimet e paracaktuara të kësaj grupmoshe për të lejuar vetëm miqtë e tyre të zgjedhur të bëjnë “duet” së bashku me ta. Përdoruesit nuk do të lejohen të bëjnë duet me klipet e bëra nga përdoruesit nën 16-vjeç.
Burimi i lajmit: https://www.bbc.com/news/technology-55639920
Përshtatur nga TIRANA TODAY
