Kryeministri Rama shquhet për batutat e tij pikante. Ai ka vizuar një familje në Farkë, duke parë vijimësinë e punimeve për banesat që u dëmtuan nga tërmeti. Familjarët që u futën në shtëpinë e re, thanë se është një ëndërr dhe ende nuk po e besojnë se kjo gjë është bërë realitet. ”Kthimi në shtëpi i familjeve të prekura nga tragjedia e 26 nëntorit të shkuar, VAZHDON”, shkruan Rama bashkëngjitur videos në fjalë.
Gjatë bashkëbisedimit me familjarët për gjendjen në të cilën ndodhen, Rama e ka quajtur qenin e një familje në Farkë si një “analist”. Ramën teksa e kanë shoqëruar të lehurat e një qeni, nuk kurseu as batutat, duke i thënë të zotit të shtëpisë se në shtëpi ka analistë.
Biseda
Rama: Si jeni? Mirë se ju gjetëm… Çfarë ke mor çfarë ke (i drejtohet qenit)? E paskeni një analist këtu tek shtëpia, ju jep komentet e ditës si çdo mëngjes.
Kryefamiljari: Na lë edhe natën pa gjumë…
Rama: Edhe natën pa gjumë ë? Ç’e pyet mo ç’e pyet…
Teksa i dorëzoi çelësat e banesës së re, Rama shprehet se tashmë vështirësia më e madhe kaloi, dhe se do të vijojë puna edhe për banesat e tjera.
Rama: Më e keqja tani kaloi. Ajo që u prish ishte copë.
Kryefamiljari: Kam lindur për herë të dytë.
Rama: Nuk e besoje apo jo!
