Kryedemokrati Basha ka akuzuar qeverinë, se shqiptarët u varfëruan më shumë gjatë pandemisë së koronavirusit. Basha e shoqëron këtë reagim me një shkrim mbi të dhënat e Eurostat, mbi gjendjen ekonomike në Shqipëri.
Eurostat publikoi sot se PPB-ja për frymë e Shqipërisë në vitin 2019, ishte sa 31% e mesatares së BE-së, duke e renditur vendin tonë me potencialin ekonomik më të dobët në Europë.
Basha thotë se edhe gjatë pandemisë, shqiptarët patën ndihmën më të ulët në rajon nga qeveria, ç’ka ka çuar në rritje të varfërisë dhe pamundësisë për shumicën.
Ndodhur në këto kushte, kreu i PD-së citon se ka ardhur koha për ndryshim, pasi shqiptarët meritojnë një qeveri që punon për ta.
Statusi
Vitin e kaluar shqiptarët ishin më të varfërit në Europë. Edhe gjatë pandemisë ata patën ndihmën më të ulët në rajon nga qeveria, çka ka çuar në rritje të varfërisë dhe pamundësisë për shumicën. Boll më! Është koha për ndryshim. Shqiptarët meritojnë një qeveri që punon për ta.
