Ministria e Shëndetësisë e Maqedonisë së Veriut, informoi se në 24 orët e fundit se janë regjistruar 40 viktima nga Covid-19, numri më i lartë i të vdekurve që nga filllimi i pandemisë.
Nga raporti, numri më i madh i viktimave është në Shkup, me 10 të tillë, 5 viktima në Prilep, nga tre viktima kanë Shtipi, Velesi, Manastiri dhe Gostivari, nga dy viktima kanë regjistruar Kumanova, Kërçova, Struga, dhe Kavadari ndërsa nga një viktimë kanë regjistruar Tetova, Dojrani, Strumica, Krusheva, Sveti Nikolla.
Sipas të dhënavë, nga 1683 teste të realizuara, janë regjistruar 591 raste të reja me koronavirus, 218 prej të cilëve në Shkup. Ndërkohë, listës së të shëruarve iu kanë shtuar edhe 439 persona.
