Kryeministri Rama pranoi se ekziston rreziku për një mbyllje të dytë, ndaj kërkoi nga ana e qytetarëve që të respektojnë masat e vendosura nga ana e qeverisë. Ai u shpreh se ka akoma kapacitete të lira në spitale, dhe se jemi larg kapaciteteve të plota.
“Unë ndjek raportimet e ekspertëve dhe autoriteteve të shëndetësisë, dhe di që jemi të përgatitur për skenarin e vjeshtë-dimrit me kohë. Strategjia e vjeshtë-dimrit është në tavolinën time që në qershor”, u shpreh ai.
A rrezikojmë?
Rama: Patjetër.
Çfarë duhet të bëjmë?
“Ta mbajmë maskën kudo, brenda dhe jashtë. Duhet të mbajmë distancën, duhet të mos mblidhemi për të bërë dasma. Duhet të mos mblidhemi për të protestuar për muzikë, duhet të lajmë duart sa më shpesh, dhe duhet të japë secili kontributin e vet”, tha ai në “Opinion”.
