Partia Socialiste ka refuzuar propozimin e opozitës jashtëparlamentare, i cili mundëson hapjen e listave 100 %, pa ndryshime të tjera në formulën e koalicioneve dhe shpërndarjes së mandateve.
Burime për Abc News bëjnë me dije se përfaqësuesi i PS-së, Damian Gjiknuri mësohet të ketë kërkuar mbylljen e mbledhjes disa herë.
Gjatë mbledhjes, përfaqësuesit e Opozitës së Bashkuar, Bylykbashi dhe Vasili kanë vënë theksin tek nevoja për të gjetur konsensus. Sipas tyre, propozimi i opozitës jep zgjidhje konkrete për hapjen 100 % të listave dhe duhet të shqyrtohet nga Këshilli.
Opozita ka paralajmëruar se me ecjen në mënyrë të njëanshme për ndryshimin e Kushtetutës, PS po shkatërron marrëveshjen e 5 Qershorit dhe 14 Janarit, duke hedhur në erë konsensusin e arritur, që është kyç për hapjen e negociatave.
