Forcat kryesore politike pritet të takohen sërish paraditen e sotme në orën 11:00, për reformën zgjedhore, edhe pse kanë kaluar 45 ditë që nga dita e arritjes së një marrëveshje.
Në tryezën e Këshillit Politik, do të marrë pjesë edhe vetë kryeministri Edi Rama, sikurse ka bërë me dije vetë PS.
Kujtojmë këtu se ishte Damian Gjiknuri ai i cili kërkoi nga opozita mbledhjen e Këshillit për të folur mbi ndryshimet kushtetuese.
Po kështu në tryezë do të shtohet edhe Sekretari i Përgjithshëm i Partisë Demokratike, Gazment Bardhi. Si përfaqësuese e opozitës parlamentare do të jetë e pranishme edhe Rudina Hajdari. Këtë herë do i shtohet edhe Myslim Murrizi, kreu i grupit demokrat parlamentar, i cili ka qenë një zë mjaft kritik sa i takon listave të hapura dhe ndryshimeve kushtetuese.
