Deputetja e PDK-së, njëkohësisht këngëtarja e njohur, Eliza Hoxha, bën me dije se ka rezultuar pozitive me koronavirus.
Përmes një postimi në rrjetet sociale, Hoxha thotë se më parë ka dalë negative, por pasi i janë shfaqur simptomat e sëmundjes, është ritestuar dhe ka dalë se është e infektuar.
Postimi i plotë:
Të dashtun miq, pas testit negativ të javës së kaluar sot e kam ripërsëritur testin dhe kam dal pozitiv…
Kjo për faktin që tre ditët e fundit kam patur disa nga simptomat që e shquajnë këtë virus si:
Plogështi, Ethe, Temperaturë, Koll
Poashtu kam vërejtur aritmi të theksuar këto ditë…
Çfarë mund të ju them unë e që nuk e keni dëgju deri tani…Asgjë më shumë përtej se të kujdeseni për veten e të tjerët. Maska, higjiena e theksuar, distanca tashmë janë domosfoshmëri dhe mënyrë jetese.
Virusi ekziston. Do të jetë gjatë me ne, prandaj duhet të mësohemi të bashkjetojmë me te.
#lajiduart
#vendosemaskën
#mbajedistancen
p.s. për ata që i kam pas afër këto ditë uroj të mos sëmuren, e nëse po ta kalojnë me lehtësi.
?Sh’net!
