Botuesi Henri Çili ka mohuar 5 akuzat e ngritura nga Prokuroria, ndërsa ka shpjeguar versionin e tij pas arrestimit. Në një komunikim për mediat, Çili tha se nuk ka takuar asnjë gjykatës, për të ndikuar në vendime gjyqësore.
Ai tha po ashtu se çështja e tij nuk është politike, por lidhet me cilësinë skandaloze të drejtësisë së vjetër.
“Nuk mendoj se jam viktimë e ndonjë procesi politik, pavarësisht se aktorë të ndryshëm mund ta bëjnë këtë, cilësi skandaloze e sistemit të drejtësisë në vend. Gjykatësit që dhanë masën e parë të arrestit dhe prokurori nuk kanë kaluar Vettingun, proces i pakuptimtë, absurd për të qenë i qëllimshëm, aq më keq politik. Kur unë kam kaq shumë vështirësi për të gjetur të drejtën, imagjinoni qytetarët e thjeshtë. Drejtësia është në gjendje alarmante dhe duhet të jemi të gjithë të shqetësuar“.
“Do kërkoj pafajësi dhe në fund dëmshpërblim”, tha ai ndër të tjera.
“Do apeloj masën. Do kërkoj apelim dhe pastaj dëmshpërblim. Së pari si qytetare, unë mendoj se duhet të vendoset një proces i drejtë. Në përfundim, unë nuk mendoj se kam bërë diçka, prandaj Gjykata e Strasburgut do të ofronte përfundimin e kësaj çështje. Prandaj unë mendoj se nuk kam kryer asnjë në kundërshtim me ligjin”.
Akuza 1: Mashtrim
Nuk kam kryer asnjë veprim të paligjshëm, dhe s’kam mashtruar askënd. Është një marrëdhënie në kuadër të zyrës dhe bazuar në ligj, për klientë të ndryshëm. Studjoja ka dhe shumë çështje të tjera me natyrë civile.
- Falsifikim: Nuk kam falsifikuar asnjë dokument.
- Fshehje të ardhurash: Nuk kam fshehur asnjë të ardhur. Fshehje te ardhurash është kur merr ilegalisht.
- Ushtrim i ndikimit të paligjshëm: Në lidhje me këto 2 çështje, nuk kam takuar asnjë gjykatës, për të ndikuar për vendime gjyqësore.
- Pastrim i produktit të veprës penale: Në lidhje me studion ligjore, nuk është verifikuar dhe s’ka mundësi të bëhet asnjë pastrim i veprës penale. Të gjitha janë shkruar, bazuar në ligj me sipërmarrës.
