Koronavirusi është kthyer tashmë në rrezikun më të madh global, duke marrë mijëra jetë në një kohë relativisht të shkurtër.
Kina, ku edhe u përhap fillimisht virusi është një ndër zonat më të prekura nga ky virus. Vetëm në 24 orët e fundit në këtë vend janë shënuar 74 viktima dhe janë diagnostifikuar edhe 508 raste të reja.
Numri total i të prekurve nga koronavirusi në Kinë shkon në 77,658 persona, ndërsa numri i viktimave të shënuara në këtë shtet është 2,663. Koreja e Jugut është shteti i dytë në të cilin koronavirusi ka pasur përhapjen më të gjerë. Deri më tani në këtë shtet janë më shumë se 890 raste me koronavirus, ndërsa 7 persona kanë ndërruar jetë.
Ndërkohë shteti i tretë ku janë shënuar më shumë raste me koronavirus është Italia, me më shumë se 200 raste infektimi dhe 7 persona të vdekur. Në rang global, numri total i viktimave të shkaktuara nga koronavirusi ka shkuar në 2,704, ndërsa numri total i të prekurve në botë është 80,155 persona.
