Teksa ka ndarë me ndjekësit e tij në rrjetin social Facebook një shkrim, ku citohet se Shqipëria është futur në listën gri të pastrimit të parave, Meta thotë se nuk është aspak i çuditur.
Teksa ka vendosur që të zbresë në shesh kundër qeverisë, ai ripërsërit qëndrimin e tij të palëkundur për mbrojtjen e Kushtetutës dhe integritetit të Gjykatës Kushtetuese.
Statusi
Të dashur qytetarë!
Asnjë habi për hapat pas që Shqipëria ka bërë edhe në këtë drejtim.
Ndaj në 2 mars të gjithë në Bulevardin “Dëshmorët e Kombit” në mbrojtje të Kushtetutës dhe integritetit të Gjykatës Kushtetuese, për të rivendosur sistemin e llogaridhënies publike në çdo nivel vendor dhe qendror, në të gjithë vendin.
Shqipëria nuk do të jetë më lavatriçe e pastrimit të parave të organizatës ndërkombëtare.
Bashkë për Kushtetutën!
Bashkë për Shqipërinë!
Dje, Presidenti i Republikës, Ilir Meta, i kërkoi dorëheqjen ministres së Drejtësisë Etilda Gjonaj. Kreu i shtetit tha se dorëheqjen duhet ta paraqesë brenda të hënës, ditë kur ai do ta kallëzojë atë në SPAK për disa vepra penale, në lidhje me procedurat për botimin në Fletoren Zyrtare të emrit të Arta Vorpsit, si anëtare të Gjykatës Kushtetuese.
Sipas tij, në Ministrinë e Drejtësisë ka vepruar një grup i strukturuar kriminal, si pjesë e tentativës së mazhorancës për të kapur Gjykatën Kushtetuese.
