Presidenti Meta kërkoi dorëheqjen e ministres Etilda Gjonaj, pasi sipas tij, ka shkelur ligjin me botimin e vendimit të KED në fletoren zyrtare. Kreu i shtetit ka paralajmëruar se brenda ditës së hënë, do të kallëzojë penalisht në Prokurorinë e Posaçme (SPAK) ministren e Drejtësisë. Pas qëndrimit publik të kreut të shtetit, një kundërpërgjigje e menjëhershme ka ardhur nga ministrja Gjonaj.
“E përshëndes presidentin që pas disa shfaqjesh publike pa ekuilibër etik, ka zgjedhur t’i drejtohet SPAK me një kallëzim penal për mua; një marrëzi e radhës po të paktën në rrugë institucionale, madje drejt një institucioni të dalë nga Reforma që ai lufton pa fre!
Jam e gatshme t’i përgjigjem ligjërisht, me të gjithë përgjegjësinë po edhe me krenarinë që i përkas Frontit të Reformës në Drejtësi, denigruesit botërisht të njohur të kësaj reforme jetike! Sa për dorëheqjen, zotëria ka në dorë vetëm të tijën dhe të askujt tjetër”.
Meta merr vendimin ekstrem, kërkon dorëheqjen e ministres Gjonaj
