Policia e Elbasanit ka vënë në pranga dy persona si autorët e djegies së dy automjete të efektivëve të policisë.
Ngjarjet e zbardhura janë djegia e automjetit të Krenar Kasit, Shefit të Paraburgimit në Bradashesh dhe atij të Krimeve të Rënda në Komisariatin e Policisë Elbasan, Edvin Gjyli.
TV ABC News ka mësuar edhe emrat e të dy të arrestuarve. Bëhet fjalë për Gerti Hysenbelli dhe Brikin Rusta, të dy banues në Elbasan.
Policia ka filluar hetimet për të kuptuar motivet e ngjarjeve. Pritet që në vijim Policia e Shtetit të japë detaje edhe më të hollësishme rreth dy ngjarjeve.
