Tentoi të shpëtonte një grua dhe fëmijën e saj nga hajduti, ekzekutohet klouni

Një kloun ka mbetur i vdekur në Meksikë, pasi tentoi të mbronte një grua dhe foshnjën e saj gjatë një grabitjeje.

Sipas dëshmitarëve, një person i armatosur hyri në një restorant në Puebla për të grabitur klientët. Humberto Rojas Landa, i cili ka qenë prezent në restorant e ka goditur agresorin me një enë uji.

Kjo ka bërë që grabitësi të hapë zjarr ndaj klounit, i cili mori një plumb në kokë. Menjëherë pas kësaj, sulmuesi është larguar me shpejtësi nga vendi i ngjarjes.

Ai arriti të vidhte vetëm një telefon. Klouni u dërgua në spital, por ndërroi jetë pas 24 orëve.