Sot, më 13 prill, vendi ynë do të ketë mot të qëndrueshëm
Pjesa më e madhe e territorit do të karakterizohet nga kthjellime, ndërsa herë pas here do të ketë edhe vranësira mesatare, të cilat në zonat malore të veriut mund të bëhen më të dendura.
Gjatë orëve të pasdites dhe në mbrëmje priten reshje të dobëta shiu, kryesisht në zonat malore veriore. Në pjesën tjetër të vendit, moti do të mbetet kryesisht i thatë.
Era do të fryjë me drejtim nga juglindja në jugperëndim, me shpejtësi mesatare rreth 8 m/s. Në zonat bregdetare dhe në lugina, era mund të forcohet disi.
