Udhëheqësi i ri i forcës elitare Kuds të Gardës Revolucionare të Iranit dikur mburrej se kishin më shumë fuqi se Amerika. Kjo duke thënë se trupat amerikane “kanë pësuar më shumë humbje nga ne, sesa ne kemi pësuar humbje prej tyre”.
Pas vrasjes së Gjeneralit Qassem Soleimani, njësia speciale ushtarake tashmë drejtohet nga Gjenerali Esmail Qaani. Ai ka shërbyer si zv / komandant që nga viti 1997. Qaani, si shumë zyrtarë të tjerë të qeverisë dhe ushtrisë iraniane, gjithashtu ka bërë vazhdimisht deklarata armiqësore kundër Shteteve të Bashkuara të Amerikës.
“Amerika ka pësuar më shumë humbje sesa ne kemi vuajtur prej tyre,” ka qenë kjo deklarata e thënë prej tij në 2017-ën. Gjatë një ceremonie përkujtimore për forcat iraniane dhe milicisë së mbështetur nga Irani që luftonin në Siri dhe Irak.
Ai po ashtu ka paralajmëruar Presidentin Trump dhe zyrtarë të tjerë amerikanë, se “kërcënimet ndaj Iranit do të dëmtojnë Amerikën”.
“Ne kemi varrosur shumë… si Trump dhe dimë shumë mirë si të luftojmë kundër Amerikës. Çdo marrëzi që ata thonë kundër Republikës Islamike, do të jetë në dëm të tyre,” shtoi Qaani.
Në një deklaratë tjetër, ai ka thënë se Irani nuk kërkon luftë, por kushdo që synon të ndërhyjë “do të marr një mësim”.
“Që prej fitores të Revolucionit Islamik në 1979, ne asnjëherë nuk kemi pasur për qëllim të nisim ndonjë luftë ndaj asnjë vendi. Por, arroganca globale përfshirë Amerikën ka kërkuar gjithmonë betejë. Ne nuk i mirëpresim luftërat, por nëse dikush pushton vendin tonë, ai do të marr një mësim që as nuk do ta mendojë më kurrë agresionin kundër Iranit.”
Ndërkohë, sipas Departamentit Amerikan të Thesarit, 62 vjeçari ka përdorur fuqinë e tij si zv/komandant për të drejtuar fondet për grupet terroriste si Hezbollah.
“Teksa regjimi iranian dërgon ndihma dhe ekspertizën e tij vdekjeprurëse për të nxitur dhunë në Siri dhe Afrikë, Thesari do të vazhdojë të ekspozojë zyrtarët dhe kompanitë e përfshira. Si dhe të punojë për t’i mbajtur ata përgjegjës për vuajtjet që shkaktojnë,” ka deklaruar më parë ish-Nën-Sekretari për Terrorizmin dhe Inteligjencën Financiare David S. Cohen.
Në 2010-ën, Departamenti i Thesarit bëri me dije se ishin duke mbikëqyrur financiarisht Qaanin. Ku u zbulua një dërgesë armësh të destinuara për në Gambia dhe që u përgjua në Nigeri.
“Kjo dërgesë armësh IRGC-QF – e fshehur në mes të materialeve të ndërtimit – përmbante granata, raketa, mortaja dhe municione.”
Deri më tani, roli i Qaani duket se do të jetë i pandryshuar edhe me promovimin e tij si kreu i forcave Kuds. Në një deklaratë pas vdekjes së Soleimanit, Udhëheqësi Suprem i Iranit, Ajatollahu Ali Khamenei tha se programi “do të jetë i pandryshuar nga koha e paraardhësit të tij”./ Burimi: Fox News Përshtati : TIRANA TODAY
