Kryeministri Rama ka reaguar pas vendimit të marrë nga Këshilli Evropian për mbajtjen e Konferencës së Donatorëve në Tiranë, në fund të muajit janar.
Përmes një postimi në Facebook, Rama e konsideron këtë si një lajm të shumëdëshiruar. Ai shton se ndihet optimist nga mbajtja e premtimit nga liderët evropianë për këtë konferencë.
Kujtojmë qëllimi i kësaj konference është mbledhja e sa më shumë donacioneve, të cilat do të shkojnë për rindërtimin e shtëpive për banorët e prekur nga tërmeti.
Postimi i plotë:
Është një lajm i shumëdëshiruar marrja mbrëmë e vendimit të Këshillit Europian për mbajtjen e Konferencës së Donatorëve në Tiranë, në fund të muajit Janar, me qëllim mbështetjen e Programit të Rindërtimit nga të gjitha shtetet anëtare të BE ??
Mbajtja e premtimit që mora nga shumë prej liderëve europianë për këtë konferencë të domosdoshme, më mbush me energji e me optimizëm për suksesin e përpjekjes që të dalim të gjithë më të fortë nga kjo tragjedi, duke nisur nga motrat e vëllezërit tanë fatkeq, të cilët duhet t’i rikthejmë në shtëpi më të mira se ato që humbën, si edhe nga fëmijët e tyre, të cilëve do t’u bëjmë shkolla më të mira nga ato që kishin?
