Për presidentin Meta, Dvorani është i vetmi shembull që pritet për të rikthyer besimin tek Reforma në Drejtësi. Kjo ka qenë kryefjala e këtyre ditëve mjaft të zhurmshme. Për të gjitha presionet, Meta bën përgjegjës Ardian Dvoranin, për të cilin thotë se ka bërë akte kriminale, dhe është Katica e Reformës në Drejtësi, duke e krahasuar me prokuororen speciale në Maqedoninë e Veriut, e cila tashmë është në burg.
“Dvorani do bëhet shembull”, Meta flet për videon korruptive
Metës dhe kreut të Këshillit të Emërimeve në Drejtësi, Ardian Dvorani, duket se nuk u del inati me njëri-tjetrin. Nga ana tjetër, kreu i KED-së, shprehet se do të tregohet i gatshëm, për t’u paraqitur pranë organit të akuzës, për të dhënë “shpjegimet përkatëse mbi faktet e të vërtetën, si edhe ligjin e zbatueshëm lidhur me to, ashtu siç e bën pa zhurmë e bujë çdo qytetar i zakonshëm i këtij vendi”.
Meta i firmosi kallëzimin penal, Dvorani: Ja çfarë po ngatërron presidenti
Qëndrimi i tij pason pasi Kreu i Shtetit firmosi sot kallëzimin penal ndaj kreut të Këshillit të Emërimeve në Drejtësi, Ardian Dvoranin, të cilin e akuzon për dy vepra të rënda penale. Në një reagim në Facebook, Meta ka treguar momentin kur ka firmosur padinë, dhe shkruan se si Presidenti i Republikës, po i jep një mundësi historike Reformës në Drejtësi, për të treguar integritetin dhe vërtetësinë e saj.
Kryemadhi i del në mbrojtje Metës
Kryetarja e LSI-së, Monika Kryemadhi, i ka dalë në mbrojtje Presidentit Ilir Meta, në lidhje me akuzat që ky i fundit ka ngritur ndaj kreut të KED, Ardian Dvoranit. Në një bashkëbisedim me gazetarët, Kryemadhi u shpreh se Dvorani është i kapur nga Rama.
“Jemi të gjithë të qartë se çfarë po ndodh. Unë nuk jam juriste, por në Kushtetutë janë të qarta veprimet e presidentit, dhe Dvorani ka bërë shkelje në proces.
Ai është i kapur nga Rama, dhe kjo gjë tregohet hapur edhe nga mospublikimi i dekreteve të presidentit në Fletoren Zyrtare.
Lidhja e z. Dvorani me Ramën dhe kapja e tij, nuk ka bërë gjë tjetër veçse kanë prodhuar këtë krizë ku jemi sot. Mazhoranca të mos vazhdojë të bllokojë më Gjykatën e Lartë. Do të çmontohet ky grusht shteti që ka ndodhur”, tha Kryemadhi.
“Vegël e Ramës”, Basha sulmon kreun e KED
Nga Devolli, ku ka zhvilluar turin “Rrugëtimi për Shqipërinë”, Basha tha se Dvorani është simboli i korrupsionit dhe kapjes së shtetit. “Rama paracakton edhe gjyqtarët e Gjykatës Kushtetuese. Ardian Dvorani, simboli i korrupsionit dhe kapjes së shtetit, vegla e Edi Ramës. Nëse institucionet funksionojnë, i pari që duhet të shkojë për ndjekje penale është Edi Rama. Ndaj e ka jetike të kapë drejtësinë. Vendi është zhytur në paligjshmëri”, tha Basha.
“Simbol i korrupsionit”, Basha në ‘sulm’ kundër Ardian Dvorani
Berisha sulmon ashpër Dvoranin: Skllav i krimit
Ish-kryeministri Sali Berisha, ka hedhur akuza të forta mbi kryetarin e Këshillit të Emërimeve në Drejtësi, Ardian Dvorani. Sipas Berishës, Dvorani është njeri pa dinjitet, dhe e futi Gjykatën Kushtetuese në një krizë të turpshme.
“U vu re se gjithë problemi është këtu. U vu në krye të KED, një njeri i shquar për një amoralitet total profesional. Njeri pa dinjitet, dhe pa karakter, se në origjinë të kësaj që ndodh është zbatimi i urdhërave që ia bën dhe e futi vendin në një krizë të turpshme. E bëri me një zotim me Edi Ramën, që t’ja marrim Ilir Metës kandidatin. Atëherë si duhet të arrinim këtu. Në shtator, nga 21 shtatori deri në 7 nëntor, ky skllav i krimit që quhet Dvoran, ka 100 milion që nuk i justifikon. Ka marrë apartamente dhe miliona euro nga Telekom ky individ, që është në kundërshtim me Kushtetutën. Se nuk është magjistrat, merr përsipër me bërë kurthet e shtetit. Erdhi në KED, në kundërshtim me ligjin, me një tagër që se meritonte kurrë, se nuk kalonte Vettingun”.
“Apartamente dhe miliona €”, Berisha “sulmon” ashpër kreun e KED
TIRANA TODAY
