Në më pak se 8 orë, opozita e bashkuar pritet të mbajë protestën e saj të 9 kombëtare për heqjen nga posti të kryeministrit Rama dhe vendosjes së një qeverie tranzitore në pushtet.
Ndërkohë, ish-kryetari i PD-së Sali Berisha nëpërmjet një postimi në “Facebook” paralajmëron se “një cunami i jashtëzakonshëm po afron”.
Berisha ka shpërndarë videomesazhin e protestës dhe thekson se pjesëmarrja do jetë aq e madhe sa do e bëjë kryeministrin Rama të lemerisë.
“Cunami i jashtëzakonshëm po afron. Tirana dhe Shqipëria çajnë sheshet dhe rrugët e Tiranës! Rama i lemeritur drejt vrimës së miut”, shkruan Berisha përkrah videomesazhit.
