Policia është përplasur sot me anëtarë të PD-së në Shkodër, pasi këta të fundit nuk lejuan hyrjen e policisë në KZAZ. Ngjarja ka ndodhur pak më parë, ndërsa mësohet se përfaqësues të PD-së dhe policia u përplasen edhe fizikisht.
KZAZ 2 është vendosur në Pallatin e Sportit në Shkdodër, ndërsa ka një vendim për nisjen e punës për zgjedhjet vendore.
Ndërkohë, opozita jashtë parlamentit insiston se nuk do të ketë zgjedhje më 30 qershor, duke u bazuar edhe te vendimi i presidentit për anulimin e zgjedhjeve në mënyrë që të shamnget një konflikt i mundshëm civil.
Nga ana tjetër, kryeministri Rama ka vijuar fushatën elektorale duke theksuar se zgjedhjet do të mbahen më 30 qershor.
Më herët, kryetarja e Bashkisë së Shkodrës, Voltana Ademi pasi dërgoi në KQZ letrën ku shprehej se do të zbatonte dekretin e presidentit Meta për anulimin e zgjedhjeve, i ka dërguar një kërkesë zyrtare Policisë së këtij Qarku, ku i kërkon mbështetjen për lirimin e ambienteve të Komisioneve Zonale të Administrimit të Zgjedhjeve.
