Ish-ministri i Drejtësisë, Ylli Manjani, ka komentuar vjedhjen në Rinas. Sipas ish-ministrit, justifikimi se fajin e ka Koncensionari, në kushtet kur kjo ngjarje ka ndodhur më parë, është neveritës. Ai shkruan në Facebook se aeroporti i Rinasit është objekt i rëndësisë së veçantë. Po kështu Manjani shpreh shqetësimin se uniformat blu jo vetëm që nuk ishin prezentë, por as nuk mbajnë përgjegjësi.
Postimi i plotë:
Askush nuk do kishte fytyrë të kritikonte policinë, nëse kjo e fundit do ti kish neutralizuar dhe pse jo vrarë grabitësit në mes të pistës (idealisht tek gardhi rrethues) së aeroportit!
Askush!
Aeroporti i Rinasit është kufi shtetëror dhe objekt i rëndësisë së veçantë. Prekja e avionit, më keq akoma hyrja në të e personave të pa autorizuar është cënim ekstrem i sigurisë ajrore, pra e sigurisë Kombëtare dhe Ndërkombëtare.
Në atë zonë as zogjtë nuk lejohen të hyjnë, jo më njerëz të paautorizuar e të armatosur!!
Ndaj neutralizimi dhe asgjesimi i kujtdo që tenton të hyjë në mënyrë të paautorizuar dhe pa kontroll, është krejt legjitim.
Por, çështja është se Policia jo vetëm që s’ishte prezent (zakonisht furgonat e policisë të zënë edhe shkallët e avionit deri në bezdi),pra as nuk mban përgjegjësi as për ruajtjen e kufirit, as për objektin e rëndësishëm.
Skenat e tjera që u vu në ndjekje, kapi autorët apo gjeti tenxheret me para, janë rutinë… I kemi parë dhe më parë.
Justifikimi se fajin e ka Koncensionari, në kushtet kur kjo ngjarje ka ndodhur më parë është neveritës.
Kina vërtetë është e madhe, por nuk e mbulon dot papërgjegjshmërinë e shtetit tonë politik. I shtetit që ka gjithnjë policë e gardistë me shumicë për të neutralizuar popullin, por nuk ka asnjë polic të neutralizojë kriminelët.
Të paktën të mos na hapin barkun me justifikime!
Viktima e një dite më parë, që u vra pas shkëmbimit të zjarrit me policinë pas grabitjes në Rinas është Admir Murataj.
Ky person rezultonte i shpallur në kërkim nga autoritetet shqiptare. Ai është i akuzuar për organizimin e dy grabitjeve të bujshme në Qafë-Kashar dhe grabitjen e një banke.
Profili i vrasësit/Grabitësi me 15 emra që vodhi dje 10 milionë euro dhe 3 blinda para 4 viteve
Sipas mediave greke, Murataj është arratisur nga burgu grek i Trikallës në vitin 2013.
Ndërkohë, policia ka gjetur një tjetër makinë të djegur në Tapizë. Kjo makinë dyshohet të jetë përdorur nga grabitësit e 10 milionë eurove në Aeroportin e Rinasit.
Kallashnikovë dhe granata/Gjendet gjatë natës një furgon i djegur
