Trupi i pajetë i shqiptarit që u gjet i pajetë në ujërat e lumit Vera në Aquila të Italisë, është identifikuar si Edmond Preka. Mësohet se ai është baba i dy fëmijëve, dhe prej vitesh jetonte baskë me familjen e tij në vendin fqinj, raporton ilcapoluogo.it.
Trupi i 36-vjeçarit, u gjet gjatë natës në Paganica, në një kanal devijues të lumit Vera. Kishte qenë bashkëshortja e tij, e cila kishte shkuar në polici për të denoncuar zhdukjen e bashkëshortit, pasi ky i fundit nuk kishte shkuar në Shqipëri.
Nuk dihen ende shkaqet që çuan në vdekjen e shqiptarit, ndërsa pritet që trupi i tij t’i nënshtrohet autopsisë.
Sipas mediave italiane, hetimet e autoriteteve janë përqendruar tek pista e një aksidenti rrugor. 36-vjeçari po kthehej në shtëpi në këmbë dhe mund të jetë goditur nga një automjet duke përfunduar në kanal. Megjithatë nuk përjashtohet edhe mundësia që të ketë vdekur për shkaqe natyrale.
Preka punonte në ndërtim në zonën e Paganica. Banorët e zonës e përshkruajnë atë si një person të ndershëm e punëtor.
