Kryetarja e LSI, Monika Kryemadhi zhvilloi ditën e sotme një takim me drejtorin e ri për Europën Qendrore e Jugore në Departamentin Amerikan të Shtetit, David Kostelancik, në selinë e LSI-së.
Kryemadhi i shprehu zyrtarit të DASH vlerësimet më të larta për bashkëpunimin strategjik me SHBA, ndërsa lidhur me krizën politike në vend, ajo u shpreh se hapja e negociatave, sipas saj, kushtëzohen nga zgjedhjet e lira e të ndershme, e për këtë lipset mbajtja sa më parë e tyre.
“Shqipëria ka nevojë kritike për hapjen e negociatave në tetor. Hapja e negociatave është e kushtëzuar vetëm me zgjedhje të lira e të ndershme. Për këtë arsye, zgjedhjet duhet të zhvillohen sa më parë dhe me standarde, pasi kjo është e vetmja rrugë për integrimin evropian të Shqipërisë”, u shpreh Kryemadhi.
