Një ditë para protestës së opozitës së bashkuar, kryedemokrati Lulzim Basha ka publikuar një video, me anë të së cilës fton shqiptarët që të bashkohen e të largojnë Ramën.
Basha thekson se nuk do të bëjë asnjë hap pas për atë që quan ‘çlirimin e vendit nga e keqja’. Në video shfaqen disa akuza që opozita i ka përsëritur shpesh ndaj qeverisë Rama, të tilla si:
-Rama vodhi votat për të vjedhur shqiptarët
-Zyra e Ramës kushton 1,6 milion Euro
-300 mijë shqiptarë jetojnë në skamje
-1 miliard Euro janë hedhur për luksin qeveritar
-500 mijë shqiptarë jetojnë si azilkërkues
-shqiptarët paguhen vetëm 200 euro në muaj
-50 biznese mbyllen çdo ditë etj.
Videoja mbyllet me sloganin “Shqipëria si Europa”, ndërsa Basha fton qytetarët t’i bashkohen protestës së 2 qershorit para Kryeministrisë.
Ndërkohë, sot Partia Socialiste do të çelë fushatën për zgjedhjet vendore, ndërsa opozita e bashkuar ka vendosur t’i bojkotojë, teksa këmbëngul për largimin e Ramës.
