Flakët e zjarrit kanë përfshirë spitalin e Sarandës, duke rrezikuar jetën e pacientëve. Zjarri ka rënë në sallën e pajisjeve radiologjike, rreth orës 08:30 të mëngjesit të sotëm, për shkak të një shkëndije elektrike. Fatmirësisht flakët shkaktuan vetëm dëme materiale, dhe nuk u përhapën në pavjonet e tjera të spitalit.
Njoftimi i policisë:
Sarandë/Informacion paraprak
Më datë 17.06.2022, rreth orës 08:30, në spitalin e Sarandës, dyshohet se për shkak të një shkëndije elektrike, ka rënë zjarr në sallën e pajisjeve radiologjike. Për pasojë janë shkaktuar vetëm dëme materiale. Grupi hetimor është në vendngjarje dhe po punon për sqarimin e plotë të rrethanave të ngjarjes.