Rebelimi i ashpër nga Meta e Rama nuk ka të ndalur. Akuza e herëpashershme janë publike, ndërsa Meta vijon të apelojë ndaj qytetarëve që të jenë të pranishëm në protestën e 2 marsit.
Pasi kryeministri Edi Rama ‘thumboi’ manifestimin e 2 marsit, thirrur nga presidenti Ilir Meta, ka reaguar zëdhënësi i këtij të fundit, Tedi Blushi.
Ai i kundërpërgjigjet kreut të qeverisë, ndërsa nuk i kursen ironitë, duke mos i ndarë dhe nofkën ‘gruaja e Bilalit’.
Në komentin e shpërndarë në Facebook, Blushi bën me dije se godina ku ndodhet Dhoma e Luleve, (Në Kryeministri) do të jetë më e sigurt në 2 mars, pasi do të mbrohet nga vajza dhe gra.
Zëdhënësi i Metës nuk e ka lënë me kaq, por ironizon kryeministrin. Ai i sugjeron Ramës që mos të mobilizojë policët në tubim, por t’i dërgojë ata të kapin tonelatat e drogës.
Statusi
Më në fund Gruaja e Bilalit hoqi dorë nga zanati i fotove të vjedhura dhe kaloi tek arti i gatimit me tenxhere dhe kusi, në Dhomën e Luleve.
E sigurojmë se godina ku ndodhet Dhoma e Luleve, nga ku ajo sodiste e traumatizuar protestat e opozitës në vitet 2000, do të jetë më 2 mars godina më e sigurtë në botë, e mbrojtur nga vajza dhe gra kuqezi vetëm me mimoza në duar.
Të mos mobilizojë policë kot por t’i dërgojë të kapin tonelatat e drogës!
