Një laborator për prodhimin e kriptomonedhave Bitcoin është zbuluar në Krujë, në sajë të një operacioni të OSHEE-së me Policinë e Shtetit.
Për laboratorin e Bitcoin-it është proceduar penalisht pronari i objektit, shtetasi me inicialet F.M. Drejtoria e OSHEE-së në Krujë njoftoi se ka nisur një aksion të madh kundër abuzimeve me rrjetin elektrik. Aksioni sapo ka nisur dhe është në vazhdim.
Gjatë kontrolleve të ushtruara me Policinë e Shtetit në 250 subjekte private, janë proceduar penalisht pesë persona, ndër ta dhe një biznes privat pa kontratë të cilit iu gjetën makineri të prodhimit të kriptomonedhave Bitcoin.
Të gjitha rastet janë konstatuar nga OSHEE-ja, dhe janë denoncuar në Policinë e Shtetit.
