Redaktori i lajmeve në “RTV Ora”, i ftuar në emisionin “360 Gradë”, Trazhgim Sokolaj, ka zbuluar se në Rinas nga viti 2016-2018 janë bërë 4 testime për sigurinë, dhe në të gjitha rastet kanë dështuar. Tre prej tyre janë bërë para se të ndodhte grabitja e qershorit 2016. Po kështu ai është i mendimit se policia është viktimë e kësaj situate skandaloze.
“Policia private në momentin që ka konstatuar se dërgesa e vlerave është jashtë rregullave të sigurisë, nuk i merr në dorëzim nga banka. Nga 2016-2018 janë bërë të paktën 4 testime të sigurisë në aeroport, dhe kanë dështuar.
Tre prej tyre janë bërë para se të ndodhte grabitja e qershorit 2016. Është futur person i skeduar, me valixhe, me eksploziv brenda në aeroport dhe nuk është identifikuar. Është futur me bagazh me thika, dhe nuk është identifikuar. Është tentuar të çahet rrethimi i aeroportit, është çarë dhe nuk është identifikuar.
Ka ardhur Agjencia Ndërkombëtare e Trafikut Ajror, ka bërë monitorim në Rinas. Janë testime rutinë. Administrata e aeroportit nuk është njoftuar. Pas këtyre testimeve, asgjë nuk është bërë. Policia është edhe viktimë e kësaj situate”.
Drejt zbardhjes grabitja në Rinas/Një ish-polic në kërkim, identifikohet i plagosuri
