Një luftëtar shqiptar i ISIS-it ka vdekur në burgjet kurde për shkak të mungesës së ushqimit. Lajmi është bërë i ditur nga Bedri Elezi, Drejtori i Institut të Marrëdhënieve Ndërkombëtare në Kosovë. Sipas Elezit, i riu ishte nga Gjilani dhe është arrestuar në kufi me Irakun nga forcat kurde. Ai ishte militant i Shtetit Islamik.
“Sipas informacioneve të marra në burgun Hasakah, ku ndodhen shqiptarë”, tha Elezi, “ai ka vdekur për shkak të mungesës së ushqimeve. “Mungesa e ushqimeve ka ardhur për shkak të tkurrjes së aktivitetit të këtyre forcave kurde në rajon, pas zhvillimeve të fundit të njohura. Sipas burimeve që ne kemi, është një gjendje e tmerrshme e të burgosurve në tërësi në ato burgje,” tha ai në një intervistë për ABC News.
