Gjykata e Apelit nuk ka pranuar ankimimin e shtetasit Marjus Dema, i cili akuzohet për vrasjen e shokut të tij, 27-vjeçarit Mehmet Qema, te “5 Maji” në Tiranë. Për vrasjen e të riut, Gjykata e Shkallës së Parë ka caktuar masën e sigurisë “arrest me burg” për Demën për vrasjen e të riut. Ai kërkoi lirinë në Apel me argumentin se e kishte kryer vrasjen pa dashje, dhe se ishte penduar.
Gjenden dy makineri kriptomonedhash
Vrasja e Qemës zbuloi edhe një tjetër çështje që është nën hetim nga Prokuroria e Tiranës. Në lokalin ku ndodhi ngjarja, në katin e dytë janë gjetur dy makineri të cilat përdoreshin për prodhimin e kriptomonedhës, Bitcoin. Zbulimi i këtyre pajisjeve u bë rastësisht nga uniformat blu, të cilat po kërkonin për serverin e kamerave të sigurisë, për të hedhur dritë mbi ngjarjen. Ekspertët e kibernetikës thonë se pajisjet që tashmë janë sekuestruar, ishin në fazën testuese për prodhimin e Bitcoin.
Dinamika e ngjarjes
Ngjarja e rëndë u zbardh nga Policia e Tiranës, falë kamerave të sigurisë së lokalit. Autori mbante në dorë një pistoletë, me të cilën është kryer vrasja.
