Vdekja e papritur e kryeministrit Mehmet Shehu, 17 dhjetorin e vitit 1981, mbetet një nga ngjarjet më të bujshme në historinë e vendit. Regjimi foli zyrtarisht për vetëvrasje në kushtet e një krize nervore, pasi për dy ditë Shehu u kritikua ashpër në Byronë Politike për shkeljen e vijës së Partisë së Punës.
Por dhjetëra prova dhe dëshmitarë flasin për një eliminim, me urdhër të vetë Enver Hoxhës. Pas ngjarjes, ky i fundit e akuzoi si agjent të amerikanëve që në kohën e luftës. Deri tani të dhënat e de-klasifikuara të CIA-s, nuk e mbështesin këtë pohim.
Por ka të ngjarë që ai të jetë rekrutuar pas lufte. Madje disa dokumente po të CIA-s, pretendojnë se agjenti “M” u kishte premtuar eliminimin e Hoxhës përmes helmimit, në këmbim të 3 milionë dollarëve. Por koha po kalonte, dhe ai nuk po vepronte. Ndaj eliminimi i Shehut nuk u prishte punë amerikanëve.
Ndërkohë, gati tre muaj përpara vrasjes së tij, një celulë e Sigurimit të Shtetit në Zelandën e re, kishte marrë urdhër të organizonte një vrasje politike në Shqipëri. A bëhej pikërisht fjalë për vrasjen e Mehmet Shehut? Një ish-agjent i Sigurimit pretendon që po.
TIRANA TODAY
https://www.youtube.com/watch?v=etRgmsQ-VQc
