”Vlorën e kam dhe do ta kem në zemër”/ Meta thumbon Ramën

Presidenti i Republikës, Ilir Meta ka postuar një video në rrjetin social, Facebook, nga deklarata e tij e bërë ditën e sotme nga presidencë, ku vijon të sfidojë kryeministrin Edi Rama për Vlorën.

Meta shprehet se Vlorën e ka në zemër dhe do ta ketë, si çdo shqiptar i ndershëm, kurse të tjerë, referuar këtu Ramës, ai tha se e do për ta futur në xhep.

“Unë Vlorën e kam në zemër dhe do ta kem në zemër, siç e ka çdo shqiptar i ndershëm.“Zotërinjtë” e tjerë e duan Vlorën për ta futur në xhepin e tyre, ngaqë u janë fryrë xhepat shumë dhe u duket Vlora e vogël”, tha Meta.