SPAK ka zbarkuar në Kadastrën e Vlorës, ku ka sekuestruar disa dosje pronash. Një operacion i Prokurorisë së Posaçme Kundër Korrupsionit dhe Krimit të Organizuar është zhvilluar në Kadastrën e Vlorës. SPAK po kërkon informacion për një çështje në hetim, ndërkohë që ka sekuestruar disa dosje.
Nuk ka informacione nëse ka persona të shoqëruar, apo qëllimi i prokurorëve ka qenë vetëm marrja e dosjeve për hetime të thelluara të tyre.
Lëvizje ka patur edhe me drejtorët. Brenda një viti janë ndryshuar 10 drejtorë, ndërsa çështja e nxehtë e pronave nuk po merr zgjidhje në Vlorë.
Burimet raportojnë se në Kadastrën e Vlorës ka patur sërish ndryshime, ku është larguar Klodian Troci dhe në vendin e tij është emëruar Reinard Meta.
Ky i fundit, më herët ka qenë në role drejtuese në Kadastrën e Tiranës.