Një mjet është djegur në Vlorë, e ndërsa dyshimet paraprake janë se i është vënë zjarri qëllimisht. Një makinë e cila ishte e parkuar, është djegur në orët e para të mëngjesit në lagjen “Partizani” në Vlorë.
Automjeti tip “Audi” që është në pronësi të shtetases me inicialet B. T., është shkrumbuar. Dyshohet se zjarri i është vënë qëllimisht makinës, e cila ishte pa targa.
Grupi hetimor po punon për zbardhjen e rrethanave të ngjarjes, dhe shkakut të rënies së zjarrit.
