Jo rrallë, qytetarët neveriten kaq shumë me politikanët e tyre, që i vjedhin dhe mashtrojnë periodikisht, sa që një moment vendosin të votojnë dhe zgjedhin një person pa asnjë lidhje me politikën. Në tetorin e vitit 2010, kllouni Francisko Oliveira Silva i njohur ndryshe si Tirika, u zgjodh deputet i San Paulos në Brazil.
Ai mori një numër rekord prej 1.3 milionë votash, ose dyfishin e votive që mori politikani më i njohur i këtij rajonit. Ai bëri fushatë kryesisht në YouTube me video satirike kundër politikës.
Polikanët u alarmuan nga popullariteti i tij dhe bënë gjithçka për të pënguar kandidimin e tij. Ata e paditën në gjykatë se ishte analfabet, gjë që u hodh poshtë pas një testimi. Tirika vazhdoi të punonte si klloun në një cirk gjatë fundjavave. Ai u rizgjodh për një mandat të dytë në zgjedhjet parlamentare të vitit 2014.
Por puna e deputetit e mërziti, dhe në fundin e vitit 2017, ai tha se nuk do të rikandidonte pas mandatit të dytë, dhe se do të rikthehej në një klloun me kohë të plotë. Në një fjalim të shkurtër në parlament, ai tha se ndihej i turpëruar nga kolegët e tij, pasi më shumë se gjysma e tyre ishin nën hetim për korrupsion.
