Teksa pak muaj na ndajnë nga zgjedhjet, politika është hedhur në sulm duke akuzuar palën kundërshtare. Këto ditë kanë qënë intensive për çdo palë politike. Kjo përkthehet edhe në lodhje, e ndoshta mund të ketë qënë arsyeja pse Kryemadhi ngatërroi Ramën me Metën.
Kryetarja e LSI-së, Monika Kryemadhi, ka bërë një gafë gjatë takimit me banorët e Saukut në njësinë nr 2 në Tiranë. Teksa ka hedhur akuza ndaj qeverisë lidhur me situatën e përmbytjeve, ka ngatërruar kryeministrin Edi Rama me presidentin Meta. Kryemadhi në vend që të thoshte se ka parë Ramën duke bërë xhiro me maskë, tha presidenti.
“Dje pamë një xhiro që bëri mbi një argjinaturë presidenti (kryeministri), me maskat dhe e vetmja gjë e re që ka sjellë janë stilimet e maskave të tij, por asnjë gjë nuk po shikojmë në jetën e përditshme të shqiptarëve në familjet e tyre”, tha Kryemadhi.
