Me parulla të shumta, ku spikat “atdheu në rrezik”, protestues janë mbledhur sot para kryeministrisë në një protestë, kundër marrëveshjes për paktin detar me Greqinë, ku sipas deklaratës së vetë ministrit grek, Kotzias, Greqia do të zgjerojë kufirin ujor me 12 mijë milje.
“Këta po na marrin pronën, po falin detin, por nuk mund të na marrin dot ne, pasi ne nuk do ta lejojmë. Ne nuk vëmë autobusë si partitë politike, ndaj shumë nuk kanë pasur mundësi te na bashkohen në këtë proteste, por ata janë me ne. Ne nuk do të na ndalin. Jo kësaj qeverie dhe këtyre zuzarëve”- tha një nga drejtuesit e protestës.
