Ermal Mamaqi, mbrëmë në emisionin më të ri të TV Klan, “Në Kurthin e Piter Pan”, i ka prekur të gjithë teksa ka kujtuar aksidentin e ndodhur dy vite më parë në Ferizaj.
Në fund moderatori dha një mesazh shumë të rëndësishëm për të gjithë shoferët.
“I bëj thirrje shoferëve vendosni një foto të fëmijëve tuaj tek kilometrazhi dhe do t’ju ulet gazi automatikisht”, përfundoi Ermali.
Ndërsa, pak ditë më parë, Ermal Mamaqi u bë baba për herë të dytë. Bashkëshortja e tij, Amarda Toska solli në jetë një vajzë të mrekullueshme. Ajo që pritej me kuriozitet nga publiku, ishte pikërisht emri i vajzës, shkruan tvklan.al.
Ermal Mamaqi: Po e them këtu për herë të parë se e mbajtëm kështu sekret.
Alketa Vejsiu: Emri i vajzës së Amit dhe Ermalit është….
Ermal Mamaqi: ...është Sia. Vajza jonë e ka emrin Sia. Sia do të thotë fitore, është një emër biblik që ka disa shpjegime.
Ermal Mamaqi ishte i ftuari i parë “Në Kurthin e Piter Pan”, ku ndër të tjera ju përgjigj edhe pyetjeve që i bënë vogëlushët.
Sa numri e keni këmbën?
Ermal Mamaqi: E kam 42.
Kur ha hudhra, të mban goja erë? Se unë nuk e duroj dot…
Ermal Mamaqi: Po ju them një sekret. Kur ha hudhra i pi kështu si aspirina, i gëlltis. Se e bën njësoj efektin.
Kur djali jot të rritet dhe nëse është i pashë, dhe nëse unë bëhem gruaja e tij, do të pëlqeja si nuse?
Ermal Mamaqi: Ai është katër e gjysëm… Në qoftë se djali im do të bëhet Presidenti i Francës, do të të marri patjetër, se ata Presidentët e Francës i marrin gratë më të mëdha. Ti je e mirëpritur në familjen tonë në qoftë se nuk harxhon shumë lekë dhe mbi të gjitha nëse e do vjehrrën si mamin tënd.
A është xheloze Ami me gjithë këto goca që të vijnë pas?
Ermal Mamaqi: Pe ndonjë goc që më vinte pas? Tre burra ishin aty që po më shtynin, si mund të jetë xheloze Ami.
Kam dëgjuar që ti ke një shtëpi të madhe. Sa lekë e ke blerë dhe sa të madhe e ke?
Ermal Mamaqi: Nuk është shumë e madhe, po ndonjëherë këto gazetat ose portalet i fryjnë gjërat që t’i klikosh edhe nuk është aq e shtrenjtë kështu që nuk ja vlen fare ta themi.
Ti nuk ke turp që je kaq karagjoz?
Ermal Mamaqi: Kur të rritesh do kuptosh që turpi ndonjëherë haet me bukë, por ka disa njerëz që janë shumë seriozë dhe i vjen më shumë se sa neve që bëjmë humor.
Ku e ke puthur Amin për herë të parë?
Ermal Mamaqi: E kam puthur në buzë.
Në çfarë moshe u martuan prindërit e tu dhe me çfarë qëllimi u martuan ata?
Ermal Mamaqi: Mosha nuk po më kujtohet tani. Ata janë martuar me qëllimin për t’u fejuar. Patjetër që i pëlqente njëri-tjetrit, por besoj që qëllimi kryesor ka qenë që të krijonin një familje.
Sa e ke rrogën?
Ermal Mamaqi: Neve punojmë me përqindje. S’kemi rrogë fare. Përqindja është më mirë se rroga.
