Një spital ku trajtoheshin të infektuarit me Covid-19 në Tetovë, është përfshirë nga flakët. Aktualisht raportohet për viktima, por ende nuk ka të dhëna të sakta për këtë tragjedi.
Ministri i Shëndetësisë, Venko Filipçe, ka informuar se zjarri tashmë është shuar dhe se të gjitha ekipet nga spitali janë mobilizuar për të ndihmuar të plagosurit.
“Zjarri tashmë është shuar dhe të gjitha ekipet nga spitali janë mobilizuar për të ndihmuar të plagosurit. Ata po transportohen urgjentisht në Shkup, për tu dhënë kujdesin e duhur, ekipet e Klinikës janë të mobilizuar. Së shpejti do të dalim me informacione të reja”, shkruan Filipçe.
Ende nuk dihen shkaqet që shkaktuan zjarrin.
Ministria e Shëndetësisë konfirmon se nga zjarri që përfshiu spitalin në Tetovë, ka edhe viktima, dhe se për momentin po vërtetohet numri i personave që kanë humbur jetën, të lënduarit dhe gjendja e tyre.
Zjarri është shuar dhe të gjitha ekipet e spitalit janë mobilizuar, që tu dalin në ndihmë të lënduarve. Disa prej tyre janë transportuar në Qendrën Klinike në Shkup, që t’ju ofrohet ndihma e nevojshme.
